በሀዋሳ ዩኒቨርሲቲ የበንሳ ዳዬ ካምፓስ ተማሪዎችን በመቀበል በይፋ ሥራ ጀመረ

አዲስ የተከፍተውና ላለፉት 4 ዓመታት በግንባታ ሂዳት ላይ የነበረው የበንሳ ዳዬ ካምፓስ ጥቅምት 30/2011ዓም ወደ ካምፓሱ ለተመደቡ 340 አዲስ ገቢ ተማሪዎች በአከባቢው ማኀበረሰብ ደማቅ አቀባበል የተደረገ ሲሆን የሀዋሳ ዩኒቨርሲቲ ፕሬዝዳንት አቶ አያኖ በራሶ በቦታው በመገኘት በስተላለፉት መልዕክት መንግስት የከፍተኛ ትምህርት ተደራሽነትን ለማረጋገጥ በያዘው የትኩረት አቅጣጫ ካምፓሱ የተገነባ ሲሆን ሙሉ በሙሉ ባይጠናቀቅም የሰው ሃይልና አስፈላጊ ቁሳቁሶች በመሟላታቸው ወደ ስራ መገባቱን አስረድተዋል፡፡

የበንሳ ዳዬ ካምፓስ ካለው ርቀትና የመሬት አቀማማጥ አኳያ ከተወሰኑ ዓመታት በኋላ ራሱን ወደቻለ ዩኒቨርሲቲ ልያድግ የሚችል በመሆኑ ግንባታዎቹ ይህንኑን ታሳቢ አድርጎ የተካሄዱ እንደሆነ ያስታወቁት ፕሬዝዳንቱ ተማሪዎችም ፤ ሰራተኞችና የአከባቢው ማኀበረሰብ እንደግል ንብረታቸው መንከባከብና ለመጭው ትውልድ የማስተላፍ ግዴታ እንዲወጡ አሳስበዋል፡፡

አዲስ የተመደቡ ተማሪዎችም ከቤተሰብ ተለይተው የመጡበትን ዓላማ በማንገብ ጊዜያዊ ተግዳሮቶችን በመቋቋም፤ ከአልባሌ ሱሶች በመራቅና በርትቶ በማጥናት ከቤተሰብና ሀገር የተጣለባቸውን አደራ ለመወጣት ራሳቸውን ማዘጋጀት እንዳለባቸው አስገንዝበዋል፡፡

የካምፓሱ ማኔጅንግ ዳይሬክቴር አቶ ገነነ ካቢሶ በበኩላቸው ካምፓሱ በእርሻ ሜካናይዜሼንና በመምህራን ስልጠና የትምህርት መስኮች ተማሪዎችን ተቀብሎ የሚያሰለጥን ሲሆን በተማሪዎቹ በሚካሄዱ አሳታፊና ችግር ፌች ምርምሮች የአከባቢውን ማሀበረሰብ ያሳተፈ እንዲሆን ህብረተሰቡ እንዲተባበር ተከታታይ ስልጠናዎች የሚሰጡ መሆናቸውን አስታውቀዋል፡፡

በስነ ስርዓቱ ላይ የሀዋሳ ዩኒቨርሲቲ ምክትል ፕሬዝዳንቶች የበንሳ ዳዬ ከተማ ፤ የአከባቢው ቀበሌ ገበሬ ማኀበራት አመራሮች፤ የሀገር ሽማግሌዎች፤ የሃይማኖት አባቶችና ከአከባቢው ማኀበረሰብ የወጣቶችና ሴቶች ተወካዮች መገኘታቸው ታውቋል፡፡

የሀዋሳ ዩኒቨርሲቲ ካስኬፕ ፕሮጀክት በጉራጌ ዞን የአርሶ አደሮች የመስክ በዓል አከበረ

የሀዋሳ ዩኒቨርሲቲ ካስኬፕ ፕሮጀክት የአርሶ አደሮች የመስክ በዓል በጉራጌ ዞን በቸሃና ጉመር ወረዳዎች ከአጋር አካላት ጋር በመተባብር በህዳር 1/2011 ዓ.ም አከበረ፡፡

ዶ/ር ተስፋዬ አበበ  የሀዋሳ ዩኒቨርሲቲ  ምርምርና ቴክኖሎጂ ሽግግር ጽ/ቤት ፕሬዚዳንት በበዓሉ መክፈቻ ላይ ዩኒቨርሲቲው ባለፉት ስምንት አመታት በዚሁ ወረዳ በርካታ የምርምርና ቴክኖሎጂን የማስተሳሰር ፣የምግብ ዋስትናን የማረጋገጥ ፣ምርትና ምርታማነትን ማሳደግ እና ተስማሚ ቴክኖሎጂዎችን የማቅረብ ስራዎችን በስንዴ፣በበቆሎ ፣በቢራ ገብስ፣በገብስ፣በእንስሳት ሃብት ፣በተፈጥሮ ሃብት እና በመሳሰሉት ላይ እየሰራ ሲሆን የዛሬውም በዓል የበቆሎና የቢራ ገብስ ላይ በመመራመርና ውጤቱንም ለአርሶ አደሮቹ የማስተዋወቅና የተገኙትንም ተሞክሮዎች በቅድመ ማስፋትና በማስፋት በዚሁ ወረዳ በአርሶ አደሮቹ በኩል የምግብ ዋስትናን ማረጋገጥ፣ አርሶ አደሩ ለኢንዱስትሪው ጥሬ ዕቃ አቅራቢ እንዲሆን ማስቻል እና የአርሶ አደሩን የኑሮ ሁኔታ በሂደት ለመቀየር የሚያስችል የምርምር ውጤቶችን ማሳያ ሲሆን አርሶ አደሮቹም ቴክኖሎጂዎችን በማስቀጠሉ ድርሻቸውን ሊወጡ ይገባል ብለዋል።

ዶ/ር በየነ ተክሉ የሀዋሳ ዩኒቨርሲቲ ካስኬፕ ፕሮጀክት ማናጀር ፕሮጀክቱ ባለፉት ዓመታት በ13 ወረዳዎች ላይ የግብርናውን ምርትና ምርታማነት ለማሳደግ በርካታ የምርምር ስራዎችን በክልሉ እየሰራ መሆኑን የገለጹ ሲሆን የዛሬውም ጉብኝት ፕሮጀክቱ በቅድመ ማስፋት ስራዎች በጉመርና ቸሃ ወረዳዎች በበቆሎና የቢራ ገብስ ላይ የሰራቸውን ምርምሮች ለአርሶ አደሮቹ የማስተዋወቅ ፕሮግራም ነው ብለዋል ፡፡

የመስክ ጉብኝቱን ሙሉ ቪዲዮ ከስር ይመልከቱ።

ዶ/ር በየነ አክለውም አርሶ አደሮቹ ይሄንን የምርምር ውጤት ተሞክሮ በማየት አንዱ ከአንዱ ልምዱን እና ክህሎቱን በመቅሰም ለሁሉም ተደራሽ ለማድረግ ፕሮጀክቱንና ባለድርሻ አካላትን መደገፍ እንዳለባቸው አሳስበዋል፡፡

በዕለቱም የፕሮጀክቱ ተመራማሪዎች ለአርሶ አደሮቹ እና ለተጋባዥ እንግዶች በአርሶ አደሮቹ ማሳ ላይ በምርምር ውጤቶቹ ዙሪያ ገለጻ በማድረግ የጉብኝቱ ፕሮግራሙ የተካሄደ ሲሆን አርሶ አደሮቹም ባዩት ነገር ደስተኛ እንደሁኑ ለማወቅ ተችሏል፡፡

 

በስለሺ ነጋሽ

 

Newsletter

Make sure you dont miss interesting happenings by joining our newsletter program.

Contact us

Armaye Assefa
Director, Corporate Communication & Marketing Directorate

  • Phone: +251462200341/+251462209331/+251462212720

Connect with us

We're on Social Networks.
Follow us & get in touch.